اللهم صل على محمد وعلى آل محمد كما صليت على إبراهيم وعلى آل إبراهيم إنك حميد مجيد، اللهم بارك على محمد وعلى آل محمد كما باركت على إبراهيم وعلى آل إبراهيم في العالمين إنك حميد مجيد اللهم صل على محمد وعلى آل محمد كما صليت على إبراهيم وعلى آل إبراهيم إنك حميد مجيد، اللهم بارك على محمد وعلى آل محمد كما باركت على إبراهيم وعلى آل إبراهيم في العالمين إنك حميد مجيد اللهم صل على محمد وعلى آل محمد كما صليت على إبراهيم وعلى آل إبراهيم إنك حميد مجيد، اللهم بارك على محمد وعلى آل محمد كما باركت على إبراهيم وعلى آل إبراهيم في العالمين إنك حميد مجيد بسم الله الرحمن الرحيم

🌹كل عام وانتم بخير 🌹شهر رمضان المعظم 🌹كل العام وانتم بالف خير ءامين🌹 تهنئة بمناسبة شهر رمضان المعظم

اللهُ أكبرُ اللهُ أكبرُ اللهُ أكبرُ، لا إلهَ إلَّا الله، واللهُ أكبر اللهُ أكبر، ولله الحَمد _ كتاب بوارق الحقائق لطاهر الأنفاس سيدى الرواس اضغط هنا للقراءة كتاب بوارق الحقائق


العودة   منتدى شبكة الصوفية > رباط الفقراء الى الله > من إشارات وحكم وتدبر أهل العرفان لآيات القرآن


من تفسير (( وجعلنا من الماء كل شيء حي) ) سيدى فخر الدين البرهانى

من إشارات وحكم وتدبر أهل العرفان لآيات القرآن


 
المنتدى المشاركات الجديدة ردود اليوم شاهدة المشاركات المشاركة التالية
 
أدوات الموضوع انواع عرض الموضوع
قديم 07-15-2018, 10:41 AM رقم المشاركة : 1
معلومات العضو

إحصائية العضو





 

البرهانى غير متواجد حالياً

 


شكراً: 0
تم شكره 2 مرة في مشاركة واحدة
المنتدى : من إشارات وحكم وتدبر أهل العرفان لآيات القرآن
افتراضي من تفسير (( وجعلنا من الماء كل شيء حي) ) سيدى فخر الدين البرهانى

على خلاف ماكنا نفهم تماماً
عندما سألوا مولانا الشيخ محمد عثمان عبده البرهانى عن قوله تعالى
( وجعلنا من الماء كل شيء حي) فقال رضى الله عنه
------

غالب الإحتجاج بتاع المشركين كان التكذيب بيوم الدين، نزل قوله تبارك وتعالى (أولم ير الذين كفروا أن السماوات والأرض كانتا رتقا ففتقناهما وجعلنا من الماء كل شيء حي أفلا )

بعدين معنى الأية عند الصوفية ربنا بكت على المخاليق اللى بينكروا البعث دول بيقول لهم (أولم ير الذين كفروا أن السماوات والأرض كانتا رتقا) شيئ أصلا واحد
(ففتقناهما) إتفرتكوا ، السموات بقوا سبعة ، الأراضين بقوا سبعة ، البحار سبعة ، بعدين قال (وجعلنا من الماء كل شيئ حى) لفظة ( من الماء كل شيئ حى ) مفهوم الناس إنه الموية الإعتيادية ، الماء المعين ، يعتقدوا او التفاسير يقولوا الماء في الآية دى هي الماء المعين يعنى الموية العذبة اللى بيعين الواحد على الحياة
والحاصل مش كدة ، مش كدة ليه؟
تبارك وتعالى خلق الأسماك من البحر لمن تقول خلق الأسماك من البحر طبعا خلقهم بنظام دقيق العقل مايقدر يهتدى إليه
بعدين عمل لهم عيشتهم في البحر فمايشربوش الموية
إذا شربت السمكة الموية بتفطس تموت ، فعليه مايشربوش موية
خلق الجن من النار( من نار السموم) أو من نار ممتزج بهوا ، الجن كمان مايشربش موية علشان ده اصله اذا شرب الموية ناريته بتنطفى
الروحانى ربنا جل وعلا خلقه من صافى الريح والأرياح السبعة ، كل صنف من الريح مخلوق منه خلق إسمهم الروحانية ،
بعدين ديل مايشربوش الموية ، أكلهم في ريحهم بس
بعدين في الملائكة الفلكية
الملايكة اللى ساكنين في السموات السبع اللى هم مخلوقين من الأسماء الإلهية وخدامين للأسماء الإلهية ورسل الأسماء الإلأهية معنى( جاعل الملائكة رسلاً) كل الملايكة المقصود من الملايكة دول هم الملايكة الفلكية اللى ساكنين السموات السبع جبريل وميكائيل وإسرافيل وعزرائيل ،، وذكر الشيخ باقى أسماء الملائكة السبعة رؤساء على السموات السبع،،
سبع سموات كل واحد فيه رئيس ،
كل الملايكة ديل مخلوقين ، مخلوقين من نور النار ، مخلوقين من نور النار،
إلى أن قال الشيخ :
وبعدين فهمنا من كل النواحى ده إنه جبريل كان من الملائكة وكان مأمور بالسجود والآية بتوضح ده ، واضح؟
بعدين لما تشوف إنه ( كان من الجن ففسق عن أمر ربه) مش كدة نفهم بإنه ابليس كان من الجن ، واضح؟
كان من الجن يعنى إيه؟
هم وكلهم كانوا أولاد الجن ، الإٍسم الأول إسمه الجان (يعنى أبو الجن إسمه الجان على غرار سيدنا ادم أبو البشر)
الجن إسم أولاده ،( خلق الجان) قال ( من مارج من نار) ( والجان خلقناه من نار السموم) فكان الأصل إيه؟
أصلهم الأول إسمه جان أولادهم هم الجن ، ظاهر؟
بعدين الملايكة ديل مخلوقين من نور النار إحنا وضحنا إنه أصلهم كانوا نار
بعدين تلطفت بنور الإيمان بقت نور ، فالملايكة الفلكين مخلوقين من ايه ؟
من نور النار ، ما من النور
أنا مابقول من النور ، من النار لكن بقى نور نسميه نور النار زى الكهربا زى اللمبة .... بعد الحالة ده عرفنا إن الملايكة ديل كلهم رسل من الأسماء الألهية للوجود العينى ، عرفنا إن الملايكة ديل كلهم رسل من الأسماء الألهية للوجود العينى
خلاص؟
مش كدة فهمنا جسدهم من نور النار ظاهر؟
فيهم الروح ، الملائكة الكروبين الحافين حول العرش مخلوقين من صرف النور وفيهم الروح
رسول الله صلوات الله وسلامه عليه هو اللى مخلوق من نور النور بس ، ظاهر؟
رسول الله صلوات الله وسلامه عليه هو اللى مخلوق من نور النور ، نور إيه؟
نور غيب الأحدية ، نور شنو؟
الإيمان مش عنده نور؟ اليقين مش عنده نور؟ الكهارب ماعندها نور؟ اللمض ماعندها نور؟ الإسلام ما ليه نور ؟ المصحف ماله نور؟ ياتو نور؟
الأنوار كتيرة فكان رسول الله صلوات الله وسلامه عليه مخلوق من نور النور
نور النور ده من وين ؟ من غيب الأحدية
فلما كان رسول الله مخلوق من غيب الأحدية ظاهر؟ إعتبروا
وقال صلى الله عليه وسلم ( أنا من نور الله والمؤمنون من رشحات نورى)
فكان النبى عليه الصلاة والسلام مخلوق من نور النور ، نور وين؟
نور غيب الأحدية عشان كدة السيد إبراهيم الدسوقى بيقول( اللهم صل على الذات المحمدية)
مش الذات المحمدية اللى كان في ارض مكة بيهدى الناس لاء
لمن كان لطيفة أحدية
نرجع لقصتنا نشوف ايه؟
نشوف الصنف البشرى مخلوقين من تراب وموية ديل اللى بيشربوا الموية بس الجن مايشربش الموية الروحانى مايشربش الموية الملك الفلكى مايشربش مويه الملك الكروبى مايشربش الموية
تبارك وتعالى بيقول ( وجعلنا من الماء كل شيئ حى) ليه جاية بصيغة الكل؟
صيغة الكل ايوة الماء اللى في الآية ده مش الماء القراح
إنما هي كناية عن الروح اللى سارى سريان الماء في العود الأخضر من غير مالعود ذاته يعرف ماهية الماء ماشى كيف واضح كدة؟
بعدين أصناف الخلق الخمسة والكل فيهم روح إنتهينا من القصة دى؟
المخاليق ديل كل مافوق بيدى للى تحت منه
ومن كل صنف زاجر ، تبارك وتعالى يقول ( وإن من أمة إلا خلا فيها نذير)
يعنى الطير أمه ليهم نذير الجراد أمة لهم نذير النمل أمة ليهم نذير، الكلاب أمة
بالشكل ده كل الوجود
لابد من رئيس ومرؤس







رد مع اقتباس
 

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


Loading...

Flag Counter

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
  تصميم علاء الفاتك
1 2 3 4 5 6 7 8 9 10 12 13 14 16 17 18 19 20 21 22 23 24 26 27 28 29 30 31 34 35 36 37 38 39 41 42 43 44 46 53 54 57 58 59 62 63 64 66 67 70 71 72 73 74 75 77 78 79 80 81 82 83 84 85 86 87 88 89 90 91 92 93 94 95 96 97